مين اللي هيشوف إعلانك؟
إعلانك بيتعمل علشان يوصل للي بيشتري، ويبعد عن اللي بيضيّع فلوس الإعلان.
بيوصل لـ
- صاحب مصنع
- مدير مشتريات أو مدير مصنع
- تاجر جملة أو موزّع
- مقاول أو صاحب ورشة
ومش بيستهدف
- حد بيدوّر على قطعة واحدة
- حد بيدوّر على شغل
- حد داخل يعمل لايك ويمشي
بنشتغل إزاي؟
نفهم شغلك
بتبيع إيه، ولمين، وفي أنهي محافظات. رسالة واتساب أو مكالمة قصيرة.
نجهّز الإعلان
صورة وكلام يفهمه عميلك من أول نظرة. بتشوف الإعلان وتوافق عليه قبل ما ينزل.
العميل يكلّمك
الإعلان يشتغل، والعميل يبعتلك على الواتساب على طول. وممكن كل بياع ياخد إعلان على رقمه.
تقرير كل أسبوع
صرفنا كام، وجالك كام محادثة، وأنهي إعلان شغال وأنهي يتقفل.
ليه كسبانه؟
بنقيس بالعميل، مش باللايك
اللي يهمنا كام واحد كلّمك وعايز يشتري، مش كام واحد عمل لايك.
صفحتك ملكك
الصفحة والرقم باسمك إنت. إحنا بناخد صلاحية بس، وتقدر تشيلها في أي وقت.
مفيش مفاجآت
كل إعلان بتشوفه وتوافق عليه قبل ما ينزل، وكل أسبوع بتعرف الفلوس راحت فين.
أسئلة بتتسأل كتير
أنا ببيع جملة بس، الإعلان هيجيبلي قطاعي؟
الإعلان بيتكتب ويتوجّه للي بيشتري بالكمية. ولو جالك قطاعي كتير، بنعدّل الإعلان على طول.
هتضمنولي مبيعات؟
مش بنوعد بأرقام قبل ما نشوف شغلك وسوقك. اللي بنوعد بيه إن كل جنيه يتقاس بعدد العملاء اللي كلّموك، وأي إعلان مش جايب نتيجة يتقفل.
لازم يكون عندي صفحة فيسبوك؟
لو عندك صفحة، بنشتغل عليها. لو مفيش، بنساعدك تعملها من حسابك إنت، وتفضل ملكك.
الإعلان هيوصل لأنهي محافظات؟
للمحافظات اللي إنت بتبيع فيها وبتقدر توصّل لها. إنت تحدد، وإحنا نوجّه الإعلان عليها.
الرسايل هتيجي على رقم مين؟
على رقم الواتساب بتاعك أو رقم البياع. والرد على العملاء بيبقى عندك.